Matua: Roma 11: 33 & 36 — “Aue! le loloto o le tamaoaiga o le poto atoa ma le silafaga a le Atua. E le masu’esu’eina ana faamasinoga; e le mafai foi ona iloa ona ala. (36) Aua ua fua mai ia te ia, ma ua faia e ia, e i’u atu foi ia te ia mea uma; ia ia te ia le viiga e faavavau lava. Amene.”

Manatu Autu: O le Atua o le Pule aoao.

Intro: E faasaga a’e o’u mata i mauga, e oo mai ai lo’u fesoasoani. O lo’u fesoasoani mai le Alii lea, o le na faia le lagi atoa ma lalolagi. [Psa.121:1-2]

Upu Tomua: O le finagalo o le Alii e valaauina ai ana auauna, e galulue mo lona finagalo paia i nuu ma ekalesia. O le faamoemoe pito taua o le auauna, ia faalagolago mea uma i le mana malosi o le Alii o Iesu Keriso, o ia lava o le pogai o mea lelei ma le manuia o lana galuega i le lalolagi.